Macron: Lufta kundër ISIS-it në Siri do të fitohet në muajin shkurt

21:22 | 17 Dhjetor 2017
Trina Galanxhi

Presidenti francez, Emmanuel Macron ka parashikuar se grupi terrorist ISIS do të mposhtet në Siri deri në muajin shkurt.

Ai i ka bërë thirrje qeverisë siriane dhe opozitës që të ulen bashkë në bisedimet e reja të paqes që pritet të mbahen në fillim të vitit të ardhshëm, shkruan “AFP”, transmeton portali arbresh.info

“Luftën në Irak e kemi fituar falë koalicionit”, tha Macron në një intervistë për televizionin France 2.

Gjatë intervistës ai e ka përshkruar Presidentin sirian, Bashar al-Assad si “armikun numër një të popullit sirian”, por ka theksuar se prezenca e tij është e nevojshme në negociatat në vazhdim.

Macron ka theksuar se Assad  “do t’i duhet të përgjigjet për krimet e tij para popullit sirian dhe përpara gjykatave ndërkombëtare”.

Përderisa luftimet vazhdojnë në vendin që kanë mbetur të vrarë më se 340 mijë njerëz që nga viti 2011, ISIS që dikur kontrollonte kufijtë e vendit, tani mban vetëm disa tërritore të vogla./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm